வைரத்தாலான கோள்கள் கண்டுபடிப்பு

வைரங்களாலான கோள்கள் உள்ளதென வானியலாளர்கள் கண்டுபிடித்துள்ளனர். இது முன்பொருகாலத்தில் பால்வழியில் பாரிய நட்சத்திரமாக இருந்திருக்கலாம் என்றும் தற்போது அது மிகவும் பெறுமதிமிக்க கோளாக மாறியிருக்கலாம் என்றும் விஞ்ஞானிகள் கூறியுள்ளனர். 

40,000 மைல்கள் விட்டத்தைக் கொண்டு 5 மடங்கு பூமியின் விட்டத்தினைக் கொண்டும் அமைந்துள்ளது இந்தப் பளிங்காலான காபன் கோள்.சர்வதேச ஆய்வுக் குழுவினர் முதலில் வழமைக்குமாறான Pulsar வகை நட்சத்திரத்தினைத் தான் கண்டனர்.பின்னர் அதனைத் தொடர்ந்து ஒரு தொலைநோக்கியினூடாக ஆய்வு செய்ததில் அதனைச் சுற்றி சிறியதொரு கோள் ஈர்ப்பு விசையுடன் சுற்றி வந்ததைக் கண்டனர்.Pulsar வகை நட்சத்திரங்கள் 10 மைல் விட்டமே கொண்டிருப்பவையாகும். சிறியதொரு நகரத்தின் அளவிலேயே காணப்படும் இக்கோள்கள் வானொலி அலையை வெளிவிடுபவையாகும்.அவுஸ்திரேலியா, ஜேர்மனி, இத்தாலி மற்றும் அமெரிக்காவைச் சேர்ந்த விஞ்ஞானிகளது இந்த ஆய்வில் உண்மையான நட்சத்திரத்தின் எச்சங்களாக உள்ள இந்த வைரக்கோள்  Pulsar இனைச் 2 மணி 10 நிமிடங்களில் சுற்றி வருகின்றதாக கூறப்படுகின்றது.நிமிடத்திற்கு 10,000 தடவைகள் சுற்றும் இக்கோள் சூரியனைவிடவும் 1.4 மடங்கு பெரியதாகவும் காணப்படுகின்றது.